شرعی مسائل کا حل

السوال کیاحضرت بلال کی زبان میں لکنت تھی کہ شین کے بجائے سین ادا ہوتی تھی ؟ حضرت بلال نے اذان نہ دی تو صبح صادق رک گئی تھی ؟ السلام علیکم و رحمت اللہ و برکاتہ کیا یہ روایت صحیح ہے کہ ایک مرتبہ حضرت بلال رضی اللہ تعالٰی عنہ نے اذان نہیں دی تھی تو سورج ہی نہیں نکلا.... الخ الجواب احادیث کی کتابوں میں اس بات کی کوئی اصل نہیں ملتی ہے کہ حضرت بلال کی زبان میں لکنت تھی جسکی وجہ سے آپ کی زبان سے شین کے بجائے سین کا تلفظ ہوتا تھا. پھر اس پر بعض خطیبوں نے یہاں تک گڑھ لیا کہ ایک بار بعض لوگوں کی شکایت پر آپ صلی اللہ علیہ وسلم نے اذان سے منع کر دیا تو صبح صادق رک گئی تھی. سارے صحابہ کروٹ بدل بدل کر پریشان ہونے لگے تب جاکر حضرت بلال رضی اللہ عنہ کے بارے میں حضور اکرم صلی اللہ علیہ وسلم نے فرمایا کہ سین بلال عند اللہ شین جب تک وہ اذان نہ دیں صبح نہیں ہوسکتی. لہذا اس بے اصل اور موضوع روایت کو حدیث کے طور پر بیان کرنا جائز نہیں. ٭شیخ مرعی بن یوسف کرمی مقدسی لکھتے ہیں : ومااشتھر علی الألسنۃ من أن بِلالاً رضی اللہ عنہ کان بیدل الشین سینا في الأذان لم ي...

سوال نماز فجر کی سنت اگر جماعت کی وجہ سے نکل گئی اور اس کے بعد ڈیوٹی پر چلے گئے تو کیا جماعت کے فوراً بعد پڑھ سکتے ہیں؟ جیسا کہ شافعی حضرات کرتے ہیں؟ جواب: نماز فجر کی دو سنتیں اگر فرض سے پہلے نہ پڑھ سکے تو ان کے ادا کرنے کا طریقہ یہ ہے کہ انہیں سورج طلوع ہونے کے تقریباً 20 منٹ بعد ادا کرے۔ فرض کے بعد انسان اپنی جگہ پر بیٹھا رہے، اللہ کا ذکر کرتا رہے۔ البتہ اگر کوئی کام ہے تو وہ اپنا کام کرے اور سورج طلوع ہونے کے بعد فجر کی سنتیں ادا کر لے۔ کیونکہ فجر کی نماز کے بعد کوئی نفل نماز جائز نہیں۔ یہاں تک کہ سورج طلوع ہو جائے۔ ترمذی شریف میں حدیث موجود ہے حضور نبی اکرم صلی اللہ علیہ وآلہ وسلم نے فرمایا : من لم يصل رکعتی الفجر فليصلها بعد ما تطلع الشمس. جو فجر کی دو رکعت کو ادا نہ کر سکا ہو تو طلوع آفتاب کے بعد ادا کرے۔ سنن النسائی میں حدیث ہے کہ حضور صلی اللہ علیہ وآلہ وسلم نے فرمایا کہ عصر کے بعد کوئی نماز نہیں ہے، یہاں تک کہ سورج غروب ہو جائے، اور نہ ہی صبح کی نماز کے بعد کوئی نماز ہے یہاں تک کہ سورج طلوع ہو جائے۔ لہذا فجر کی سنتیں اگر رہ جائیں تو سورج طلوع...

الله تعالى كيوں آزماتا ہے؟ کیا فرماتے ہیں علماء دین و مفتیان شرح متین اس مسئلے کے بارے میں کہ اللہ رب بندے کو آزماتا ہے کیا؟ اور اگر آپ کا جواب اثبات میں ہے تو فرمائیے کہ یہ کیسے ممکن ہے کہ جو عالم الغیب ہو وہ بندے کو آزمائے۔۔ کیونکہ منطقی اصول تو یہ سمجھ آتا ہے کہ جسکے بارے میں جانکاری نہ ہو اسے آزمائش میں ڈال کر پرکھا اور سمجھا جاتا ہے اور پھر اسکے بارے میں فیصلہ کیا جاتا ہے۔ البتہ اللہ رب العزت کے بارے میں ہمارا عقیدہ ہے کہ وہ عالم الغیب و الشھادت ہے۔۔۔ آزمائش والی بات میری سمجھ میں نہیں آرہی ہے۔۔ براہ کرم قرآن و سنت اور فقہ و فلسفہ بیان فرما کر عنداللہ ماجور ہوں۔جزاک اللہ الجواب بعون الملك الوهاب 1)      یہ مسلمہ عقیدہ ہے کہ اللہ تعالی کا کوئی فعل حکمت سے خالی نہیں ہے۔ 2)      اللہ تعالی اپنے کسی بھی فعل کے متعلق جواب دہ نہیں ہے بلکہ بندہ جو کچھ کریگا اس سے سوال کیا جائے گا۔ جیساکہ اللہ تعالی نے فرمایا: لا يُسْئَلُ عَمَّا يَفْعَلُ وَهُمْ يُسْأَلُونَ [الأنبياء:233]. ترجمہ: اس سے نہیں پوچھا جاتا  جو وہ کرتا ہے۔ سب بندوں سے سوال ہوگا۔ 3) ...

سوال السلام علیکم! جی مجھے نماز میں وضو ٹوٹ جانے کی شکایت ہے یعنی ہوا کا خارج ہونا میں بہت پریشان ہوں اس کا اسلام میں کوئی آسان سا حل؟ میں بار بار وضو بھی کرتا ہوں؟ الجواب بعون الوھّاب اللھمّ ھدایۃالحق والصواب وہ شخص جس کو ریح خارج ہونے کی ایسی  بیماری ہوکہ ایک نماز کاپوراوقت گزر جائےاور وہ ہرطرح کی کوشش کے باوجودوُضو کے ساتھ فرض  نمازادا نہ کرسکےبلکہ ہرباردوران نماز ریح  کا اخراج ہوتا رہےتو وہ شخص شرعا معذور ہے ۔ اس  شخص کا حکم یہ ہے کہ نمازکے وقت میں وُضو کرلے اور نمازکے  آخر وقت تک جتنی نمازیں (اداو قضاء) چاہے اس وُضو سے پڑھ سکتاہے ،ریح کے جارج ہونے سے اس کا وُضو نہیں ٹوٹے گا ۔ لہٰذا اگر آپ نماز کے پورے وقت میں ہرطرح کی کوشش کے باوجودوُضو کے ساتھ فرض  نمازادا نہیں کرسکتے بلکہ ہرباردوران نماز ریح کا اخراج ہوتا رہا ہے ،تو آپ  شرعا معذور ہے۔ اور آپ کے لئے شریعت کا آسان حکم یہ ہے کہ آپ نمازکے وقت میں وُضو کرلیں  اور نمازکے  آخر وقت تک جتنی نمازیں (اداو قضاء) چاہے اس وُضو سے پڑھ سکتے ہیں ریح کے جارج ہونے سےآپ  کا وُضو نہ...

آجکل مرد حضرات اپنے کان میں بالی پہنتے ہیں کیا یہ جائزہے؟  الجواب بعون الملك الوهاب مردوں کا ناک، کان، ہاتھ یا پاؤں میں بالی، کنگن اور اسی طرح کے زیور پہننا  ناجائز وحرام ہے؛ کیونکہ ایسا کرنا عورت سے مشابہت ہے اور عورت سے مشابہت حرام ہے۔ بخاری شریف میں ہے: عَنَ رَسُولُ اللَّهِ صَلَّى اللهُ عَلَيْهِ وَسَلَّمَ المُتَشَبِّهِينَ مِنَ الرِّجَالِ بِالنِّسَاءِ، وَالمُتَشَبِّهَاتِ مِنَ النِّسَاءِ بِالرِّجَالِ . ترجمہ:  مرد جو عورتوں کی مشابہت کرتےہیں اور عورتیں جو مردوں سے مشابہت کرتیں ہیں  پر رسول اللہ صلی اللہ علیہ وسلم نے لعنت فرمائی ہے۔ [ صحيح البخاری، کتاب اللباس، باب المتشبھون بالنساء والمتشبھات بالرجال، جلد: 7، صفحہ: 159،  حدیث(5885)،  دار طوق النجاۃ بیروت]۔  واللہ تعالی اعلم ورسولہ اعلم۔

سوال کیا عدت گذارنے والی عورت حج کو جاسکتی ہے ؟  ............................................................................ جواب:     : عدت گذارنے والی عورتوں کے بارے میں اللہ تعالی کا ارشاد ہے :  لَا تُخْرِجُوهُنَّ مِنْ بُيُوتِهِنَّ وَلَا يَخْرُجْنَ – ترجمہ  تم انہیں ان کے گھروں سے مت نکالو اور نہ وہ نکلیں – اس آیت کریمہ کی بناء فقہائے کرام نے عورت پر حج واجب ہونے کے شرائط میں بیان کیا ہے کہ وہ عدت کی حالت میں نہ ہو ، خواہ عدت وفات ہو یا عدت طلاق چناچہ وہ دوران عدت' حج کے لئے نہیں جاسکتی – فتاوی عالمگیری میں ہے : وَأَمَّا شَرَائِطُ وُجُوبِهِ ۔۔۔۔۔ وَمِنْهَا عَدَمُ قِيَامِ الْعِدَّةِ فِي حَقِّ الْمَرْأَةِ  عِدَّةَ وَفَاةٍ كَانَتْ أَوْ عِدَّةَ طَلَاقٍ ، وَالطَّلَاقُ بَائِنٌ أَوْ رَجْعِيٌّ هَكَذَا فِي شَرْحِ الطَّحَاوِيِّ فَلَا تَخْرُجُ الْمَرْأَةُ إلَى الْحَجِّ فِي عِدَّةِ طَلَاقٍ أَوْ مَوْتٍ – (فتاوی عالمگیری ،ج1 ،ص 219 ، كتاب المناسك ، الباب الأول في تفسير الحج ، وفرضيته ووقته وشرائطه ، وأركانه وواجباته وسننه وآدابه ، ومحظوراته ) ونیز بدائع...

سوال کیا فرماتے ہیں علماء دین ومفتیان شرع متین مسئلہ ذیل کے بارے میں  زید اپنی بیوی کی موجودگی میں اپنی سالی کی لڑکی سے نکاح کر لیا کیا زید کا یہ نکاح درست ہے اصول شرع کی روشنی جواب عنایت فرمائیں الجواب : یہ نکاح درست نہیں. اس بارے میں ایک فقہی اصول یہ ہے کہ :  ہر اس عورت کو بیوی کی موجودگی میں اپنے نکاح میں لانا ممنوع ہے کہ *اگر بیوی اور اس عورت کے رشتہ میں ایک کو مرد تصور کیا جائے تو ان دونوں کا آپس میں نکاح کرنا جائز نہ ہو. * مثلا یہاں بیوی کو مرد تصور کرلیں تو یہ اس بچی کا ماموں ٹھہرے گی؛ اور ماموں بھانجی کے درمیان نکاح حرام ہے، اسی طرح اگر بچی کو مرد تصور کریں تو یہ  بچی اس کی بیوی کے لیے بھانجا  ٹھہرے گی؛ اور بھانجا  کا اپنی خالہ سے نکاح حرام ہوتا ہے .  عَنْ اَبِي هُرَيْرَةَ اَنَّ رَسُولَ ﷲِﷺ قَالَ لَا يُجْمَعُ بَيْنَ الْمَرْةِ وَ عَمَّتِهَا وَلَا بَيْنَ الْمَرْاَةِ وَ خَالَتِهَا " یعنی حضرت ابو ہریرہ رضی اللہ عنہ سے روایت ہے کہ رسول اﷲ ﷺ نے فرمایا : کوئی شخص عورت اور اس کی پھوپھی یا عورت اور اس کی خالہ کو ایک ساتھ (یعنی بیک وقت ایک نکاح میں) ...

 سوال:  کیا عورت کا کسی اور ملک میں جینس یا کوئی اور مردانہ لباس پہننا جائز ہے؟ ............................................................................ جواب:  ............................................................................ اللہ تعالیٰ نے مرد و عورت کی جسمانی طاقت میں تفاوت رکھا ہے، عورت کی طبیعت میں نزاکت و لطافت رکھی اور اس کو مرد کے لیے باعث سکون اور زینت بنایا، مرد کی ساخت مضبوط رکھی اور اسے زور آور اور قوی الجثۃ بنایا۔ اس فطری فرق کی وجہ سے مرد و عورت کے لباس و پوشاک اور استعمال کی دیگر چیزوں میں قدرے تفاوت ہونا مناسب و موزوں اور ایک فطری امرہے۔ بنابریں قانون اسلامی (Islamic Laww) میں مرد حضرات کو خواتین کی مشابہت اختیار کرنے اور خواتین کو مرد حضرات کی مشابہت اختیار کرنے سے منع کیا گیا ہے، حضور اکرم صلی اللہ علیہ وسلم نے مردانہ مشابہت رکھنے والی عورت پر لعنت فرمائی ہے۔ سنن ابوداؤد شریف کتاب اللباس ص 665 میں حدیث پاک ہے: ﴿حد یث نمبر:4101﴾  عن ابن ابی ملیکۃ قال قیل لعائشۃ ان امرأۃ تلبس النعل فقالت لعن رسول اللہ صلی اللہ علیہ وسلم الرجلۃ...

عید کے موقع پرچھوٹے بچوں کو مہندی  لگانا سوال عموما عید وغیرہ کے موقع پر عورتیں اپنے چھوٹے بچوں کے ہاتھوں کو مہندی لگاتی ہیں اور یہ کہتی ہیں یہ تو بچے ہی ہیں ۔ کیا یہ عمل شریعت کے لحاظ سے درست ہے ؟ ............................................................................ جواب: ............................................................................ خواتین کا یہ عمل نامناسب ہے کیونکہ مہندی لگانا صرف عورتوں کے لئے بطور زینت کے مشروع اور جائز ہے بچوں کے ہاتھ اور پیر کو مہندی لگانامناسب نہیں ہے البتہ بطور علاج ضرورت کی وجہ سے لگانا جائز ہے ۔ فتاوی عالمگیری ج 5 ص 359 میں ہے ’’ و لا ينبغی ان يخضب يدی الصبی الذکر و رجله الا عند الحاجة و يجوز ذلک للنساء ترجمہ بچوں کے ہاتھوں اور پیروں پر مہندی لگانا بغیر حاجت کہ جائز نہیں بہرحال عورتوں کیلئے جائز ہے کذافی الينابيع ‘‘ ۔

چیونٹیوں کو مارنے کیلئے پاوڈر استعمال کرنا ............................................................................ سوال:   گھر کے کونوں میں چیونٹیاں ہوتی ہیں اکثر اوقات کھانے کی چیزوں میں داخل ہوجاتی ایذا رسانی سے پہلے پاوڈر ڈالنا شرعاً جائز ہے یا نہیں رہبری فرمائیں۔ ............................................................................ جواب: ............................................................................ ............................................................................ جواب:   چیونٹی اگر کاٹ رہی ہے تو کاٹتے وقت اس کو مارنے میں کوئی حرج نہیں ہے ۔ اور نہ کاٹنے کی صورت میں مار ڈالنا مکروہ ہے ۔ فتاوی عالمگیری ج 5 ص 361 میں ہے  ’’ قتل النملۃ ۔۔۔ فیہ والمختار انہ اذا ابتدأت بالاذی لا باس بقتلھا و ان لم تبدی یکرہ قتلھا واتفقوا علی انہ یکرہ القاء ھا فی الماء ‘‘ علماء نے اس بارے میں بحث کی ہے مختار قول یہ کہ اگر تکلیف دینا شروع نہ کرے تو اس کو قتل کرنا مکروہ ہے اور علماء نے اس بات پر اتفاق کیا ہے کہ چیونٹی کو پانی میں ڈالنا مکروہ ہے ...

كپڑے پر یا جیب میں تصویر کے ساتھ نماز کا حکم سوال یہ ہےکہ جیب میں NIC  وغیرہ کی تصویر ہوتی ہے یا  شرٹ وغیرہ پر ہو   تو اس کے ساتھ نماز میں کوئی کراہت آتی ہے؟ الجواب بعون الملك الوهاب صدر الشریعہ مفتی امجد علی اعظمی علیہ الرحمہ نے  فتاوى شامی کے حوالے سے لکھا: جس کپڑے پر جاندار کی تصویر ہو اسے پہن کر نما زپڑھنا مکروہ تحریمی ہے۔ نماز کے علاوہ بھی ایسا کپڑا پہنناناجائز ہے۔ یوہیں  نمازی کے سر پر یعنی چھت ميں ہو یا لٹکی ہوئی ہو، یا محل سجود میں ہو کہ اس پر سجدہ واقع ہو تو نماز مکروہ تحریمی ہوگی۔ یوہیں  نمازی کے آگے، یا  داہنے، یا بائیں تصویر کا ہونا مکروہ تحریمی ہے  اور  پیٹھ کے پیچھے ہونا بھی مکروہ ہے۔ ایک مقام پر فرمایا: تھیلی یا جیب میں تصویر چھپی ہوئی ہو تو نماز میں کراہت نہیں۔[ بہار شریعت، نماز کا بیان، مکروہات نماز،  جلد 1، حصہ 3،  صفحہ 627، 628، مکتبۃ المدینہ کراچی]۔

سوال گونگے جانور کی قربانی کا حکم ایسا جانور جو کہ بالکل گونگا ہو بولتا ہی نہ ہو اس کی قربانی کرنا کیسا ہے  الجواب بعون الملك الوهاب صرف مذہبِ مالکی میں گونگے جانور کی قربانی جائز نہیں ہے، باقی  مذاہبِ ثلاثہ میں جائز ہے۔ (1): ابو عبد الله محمد بن عبد الله الخرشی المالكی(المتوفى: 1101ھ) لکھتے ہیں:" وَمِنْهَا الْبَكْمَاءُ وَهِيَ فَاقِدَةُ الصَّوْتِ مِنْ غَيْرِ أَمْرٍ عَادٍ . حوالہ: شرح مختصر خلیل للخرشی،  باب حکم الاضحیۃ،  جلد 2، صفحہ 36، دار الفكر للطباعة - بيروت۔ (2): الدکتور  الاستاذ وَهْبَة الزُحَیلی  علیہ الرحمہ لکھتے ہیں: عند المالكية: لا تجزئ العيوب المذكورة... ولا البَكْماء( فاقدة الصوت) حوالہ: الفقہ الاسلامی وادلتہ،  الباب الثامن، الفصل الاول،  المطلب الرابع، المالکیۃ،  جلد 4، صفحہ 2728، دار الفكر - سوريَّة – دمشق۔ (3): الموسوعۃ الفقہیۃ الکویتیہ میں ہے:" هَذِهِ الأمْثِلَةُ ذُكِرَتْ فِي كُتُبِ الْحَنَفِيَّةِ. وَهُنَاكَ أَمْثِلَةٌ أُخْرَى لِلأَنْعَامِ الَّتِي لاَ تُجْزِئُ التَّضْحِيَةُ بِهَا ذُكِرَتْ فِي كُتُبِ الْمَذَاهِبِ الأُخْ...